Tula sa Malalim na Pagkaunawa
Hindi lamang isang anyo ng literatura ang tula,
na naglalaman ng hiwaga at talinhaga.
Mula sa mga manunulat na bukas ang diwa,
na may layong ipamulat ang kahalagahan at aral nito sa bansa.
Ang tula ay isa ring imbakan ng mga hindi maisiwalat na hinaing,
nagsisilbing liwanag sa mundong madilim.
Tagapakinig sa mga tinig na hindi nabibigyang diin,
siyang naglalaman ng mga natatagong lihim.
Kakampi sa bawat pagdurusa,
kaagapay sa palagiang pag-iisa.
Karamay sa pagluluksa ng masa,
siyang nagpapanumbalik ng saya sa pusong nawawalan na ng pag-aasa.
Ang tula ay hindi lamang isang bahagi ng sining,
para sa mga makatang may natatanging galing.
Ito rin ay may kakayahang makapagpanumbalik ng ningning,
sa mga matang ang liwanag ay hindi na kayang aninagin at sa kadilima'y nahihimbing.
...
Young Pilipinas Poetry
Comments