They Killed Her
Sabi nila ‘party go lucky’ raw ako. Well, totoo naman. Doon ko kasi nahahanap 'yong saya bilang nag-iisa na lang sa buhay. Madalas ako 'yong taya lalo na sa gimikan sa bar. Wala lang naman sa akin 'yon. I can afford naman. Alam ko naman na nariyan lang sila kasi may nakukuha sila. Tanggap ko 'yon. Buti na lang talaga may nag-iisang tumanggap sa akin at handa akong salubungin pag-uwi ko ng bahay. At kontento na ako roon. Siya ang savior ko eh.
Isang araw unamaga ako nang uwi galing sa gimikan. Nakakapagod hindi dahil sa kung anong kasiyahan ang nangyari magdamag. Nakakapagod kasi kinakailangan ko pang magpanggap na masaya. "Buti na lang nandyan si Pitchie.”
Kaagad kong binuksan ang pinto sa pagkasabik sa kaniya.
“Pitchie, love I'm here na,” tawag ko sa kaniya. Subalit walang ni isang sumalubong.
Sinubukan ko siyang hanapin sa kabuoan ng naipundar kong bahay. Subalit wala. Nang silipin ko ang bintana, bigla na lamang akong nanlumo. Kaya agad akong tumakbo patungo sa kaniya.
“Pitchie, mahal ko. Anong ginawa nila sa'yo?” Tangis ko sa harapan niya na nakahandusay sa dogfood na may lason.
...
They Killed Her by Ronjo Cayetano
