Sumpa Nitong Puso
Pag-ibig ko liyag ay tanging sa iyo
hindi magmamaliw abutin ma'y siglo,
susuungin lahat, trahedya at bagyo
manatili ka lang dito sa'king mundo.
Hahamakin lahat masunod ka lamang
handa ngang maghirap para sa'yo hirang
wala ni sibat man sa aki'y haharang,
kit'lin man ang buhay, sa kanyon isalang.
Pangako ko sa'yo ika'y iingatan,
higit sa alahas o ano mang yaman
alagaang higit ngayon at kaylan man,
iibiging lagi at pagsisilbihan.
Saksi yaring langit sa aking pangako
hindi ito biro hindi mapapako,
tanganan kang lagi kahit saang dako,
natatanging sumpa nitong aking puso.
Comments