Sorpresa ng Hamon

'Di na inalagaan || nahulog na ang bunga;

tinanim na sarili || tuluyan nang nalanta.

Nalagas ang 'yong dahon || puno ng pagkapalya;

dati sa'yong humanga || ngayon ay nadismaya.

Madalas nang matalo || 'di na tulad ng dati,

pilit mong hinahanap || naligaw mong sarili.

Ikaw ri'y naguluhan || bakit 'to nangyayari,

ilaw kang nagniningning || ngunit ngayon ay pundi.

Nang ikaw ay natulog || bigla kang napabangon,

umiyak sa sorpresa || galing sa Panginoon,

at 'yong naintindihan || isa lamang 'tong hamon,

pinahina kahapon || lumakas naman ngayon!

Ang napurol mong isip || kutsilyo ng matalas,

pumalakpak ang tao || sa tinahak mong landas.

Mas naging matapang ka || sa panibagong bukas

tunay ngang sa pagsubok || mas lalong lumalakas!

-- by Nerelyn Fabro

Nerelyn Fabro, 17 taong gulang. Nilalaro ko ang mga salita kapag pinaglalaruan ako ng mundo. Halimaw man ang delubyo, wala itong laban 'pagkat pluma ko'y hindi nagpapatalo!