Paroroonan

"Anak, bakit narito ka?" Nagtatakang saad niya sa akin ngunit naroon ang pagguhit ng sorpresa sa kaniyang mga mata.

"Ayaw mo ba akong makita, Inay?" Walang emosyon kong bigkas ngunit naroon ang pagkadismaya sa loob-loob ko.

"A-anak? B-bakit narito ka?" Sa ikalawang pagkakataon ay inulit niyang muli ang kaniyang sinabi ngunit sa oras na 'to ay nauutal na at mapapansin na ang takot sa mukha.

"P-paano ka nakarating dito? Paano ka n-naging gan'yan?" Dagdag pa niya at halatang-halata pa rin ang garalgal na tinig.

"Nais ko kasing dito mailibing ang bangkay ko sa Pilipinas at hindi roon sa ibang bansa, Inay."