Pagsusugal

Isusugal ko pa ba ito

O tama na ang pagtakbo?

Wala man tayong imik

Paligid man ay sobrang tahimik

Talagang ramdam ko na

Na ang lahat ay nagwawakas na

Isusugal pa ba natin ang natitira

O tayong dalawang dalawa ay lalarga

Sa kanya-kanyang destinasyon

Malayo sa pinangarap at binuo nating aspirasyon

Isusugal pa ba ang lahat

O susulat na ng panibagong aklat?

Aklat na may kanya-kanyang istorya

Na walang kinalaman ang isa't-isa

Isusugal pa ba ang kakaunti?

Kakaunting saya pero lamang ang hapdi

Na parang wala nang makakapawi

Ng lahat ng sakit, lungkot at pighati

Huwag na, huwag na tayong magtangkang magsugal

Dahil mga pusta natin ay di na rin magtatagal

Tama na, tama na ang saya ng kahapon

At sa mga naibigay sa atin na mga magagandang pagkakataon

Salamat sa mga alalang nakasama kita

Mami-miss ko ang mga ngiti ng iyong labi at mga mata

Salamat sa mga kuwentuhan at lambingan

Pati na rin mga kulitan na nauwi sa pikunan

Sana huwag mong madaliing kalimutan

Na tayo ay minsang naging magkaibigan

Na nauwi sa matamis na pagkaka-ibigan

Na kahit ang dulo nito ay malungkot na hiwalayan

Ang naging kuwento natin ay ating ipagpasalamat at ipagdasal

Huwag na natin itong pilitin pang isugal

...

First posted on Youtube - Neil Gregori Garen