Makabagong Bayani sa Ibayong Dagat
Dagat ang pagitan
Pangungulila ang kalaban
Tinitiis ang kalungkutan.
Ibang lahi ang pinagsisilbihan,
Bagay na sana'y mga anak ang nakikinabang.
Para sa pamilya piniling magpakalayo
Panandaliang lilisan—mag-isang tatayo.
Magtitiis sa hirap tatatagan ang puso,
Para sa matrikula at pangarap ni bunso
Baon ay halik at binitawang pangako.
Para sa pantubos sa lupang nakasanla
Magdodoble-kayod kahit katawa'y mapinsala.
Labag man sa batas pagiging elegal na dayuhan,
Kakapit sa patalim para sa kinabukasan
Tatakbo at magtatago kung kinakailangan.
Makabagong bayani sa ibayong dagat
Nakikidigma sa panganib tinitiis ang lahat
Nagkukulong sa pagod upang makalaya sa salat.
Para sa magandang buhay pinatay muna ang hiya,
Alipin ng banyaga turista sa sariling bansa.
...
A Young Pilipinas Poetry
Comments