Kasama Mo Ako
Simula nang pumanaw ang pinakamamahal na ina ni Neilbryan ay naging matatakutin na siya. Madalas siyang nanginginig sa takot sandaling mawala sa kaniyang paningin ang kaniyang nakatatandang kapatid na si Brylein. Hindi ito mapakali hangga't hindi nakikita ang kapatid. Tumagal din nang halos isang taon na palaging ganito ang sitwasyon ng magkapatid.
Subalit isang araw laking gulat na lamang ni Brylein nang marinig niyang nagsasaya ang kaniyang nakababatang kapatid mula sa kabilang silid. Subalit mas kinagulat niya nang may tinig na umaawit kung saan naroon si Neilbryan, “Huwag kang matakot sa hindi mo pa makita, kasama mo naman ako.”
Dahan-dahan niyang tinungo ang pinto patungo sa silid ng kaniyang nakababatang kapatid.
Tila binuhusan siya ng malamig na tubig sa kaniyang nakita. “Diyos ko Neil! Anong ginawa mo? Bakit ka sumama sa kaniya?”
