Kapwa Galing Pinas
Lumipas ang ilang oras, habang tinatanaw ko ang mga tao mula dito sa itaas, napagtanto ko na hindi talaga madaling maging Pilipino.
Maraming beses na akong piniit sa kamay at palad na mapang-abuso na tila ayaw akong paratingin sa nararapat kong tahakin at maabot. Narating ko lang ang itaas, gusto na akong hatakin pababa. Hayst, karamihan sa Pilipino, utak talangka'y pinapairal.
Kalauna'y napansin kong tumagal na ang ang aking tingin sa gawing ibaba kung saan makikita ko ang nagkukumpulang tao na nakatingin sa akin, ang iba'y paduro-duro pa sa'king pwesto. At paniguradong sinasambit nanaman nila ang aking sagisag.
Philippine Eagle.
Comments