Isang Wika ng Musika
Sa gitna ng dilim musika ang ilaw,
sa labis na pagdaramdam liriko ang siyang tanglaw.
Kakampi sa pag-iisa—pamatid ng pusong nauuhaw,
pangungulila'y maiibsan sa himig na kaulayaw.
Malayo man ang bukas hangga't may tono,
mananatili ang kumpiyansa at ang tiklado.
Sasabay sa saliw kahit pa sintunado,
siyang muling magbubukas ng isipang sumarado.
At kapag dumaan sa pait nyaring buhay,
pighati, pasakit at lumbay.
Paghihilumin muli at bibigyang lakas,
muling maitutuwid tumataliwas na landas.
Iba-iba man ang lahi subalit may iisang wika,
kakampi, kaibigan at pag-ibig ay siyang tugma.
Lingguwahe man hindi mawari,
sa musika damdamin ang siyang naghahari.
...
Isang Wika ng Musika by Ronjo Cayetano
Comments