Isang Lahi'y Kapitbisig

Hindi nagiging madali

ang bawat sandali

na tinatamaan ng kalamidad

ang mga munting tahanan,

na tinatangay at hinahagupit

ang mga kagamitang napakahalaga,

at kinukuha ang lakas at hininga

ng mga nananahimik ba mga tao.

Nakakapinsala't nakatitibag,

masaklap ngunit 'di maiiwasan

kalamidad ay laging magdudulot ng paghihirap

ngunit ito'y tatapatin ng mga magigiting na kapwa,

na bawat Pilipinong malulunid ay sasagipin

mga taong mahuhulog ay hihilahin pabalik,

kumakalam na sikmura'y papawiin,

at buhay na nangangalahati'y pipiliting buuin.

Para sa hamon ng panahon,

ang bawat isa'y kikilos at sasabay

susugod bitbit ang natitirang lakas ng loob

itataya ang buhay para sa humihingi ng tulong

kapós ma'y mag-aabot pa rin ng kamay sa nangangailangan

at ibubuhos ang dugo't pawis para walang buhay na mabawi

tunay na pagkapitbisig ang mamumutawi

dahil dugong Pilipino'y nananalayatay.

...

Isang Lahi'y Kapitbisig by Colin Cris Celestial

Related Posts