Isabay sa Pag-Angat

Bayan ko, oh Bayan ko

Tumutulin na iyong pagtakbo

Bumibilis na iyong pag-angat

Ngunit bakit ang liwanag ay hindi sumisikat?

Tanggap naman natin na ang buhay ay hindi talaga patas

Ngunit bakit limitado lang ang nasa itaas?

Hindi naman talaga tayo kailanman magiging pantay-pantay

Ngunit bakit ang iba ay sobra ang dusa para lang mabuhay?

Kapatid, magdahan-dahan ka sa paglalakad sa daan

Lalo na kung ang kasama mo ay kailangan ng kaunting pasan

Hindi maganda ang mauna sa inaakala mong karera

Ngunit hindi rin maganda kung ikaw lang ang nasa linya

Kapatid, ikaw ay bahagi ng bayang umaasenso

Ikaw, tayo, ay nabiyayaan ng sipag at sapat na talino

Ngunit hindi sapat na tayo lang ang may magandang oportunidad

Akayin natin ang wala at baguhin ang masamang realidad

Sa iyong sipag at tiyaga, malaki ang iyong matutulong

Mai-ayo mo ang iyong buhay, mapapabilis ang ikot ng iyong gulong

Magiging masaya ba kapag tumulin ang iyong pagtakbo

Kung ang mga kababayan at kadugo ay bigla na lang naglalaho?

Malinaw ang tingin mo sa iyong adhikaing umangat

Malinaw rin para sayo na plano mong pagsikat

Ngunit para saan mga ito kung ikaw lang aasenso

Aanhin mo ang lahat kung ikaw lang ang tinuring bayan mo?

Walang maliit na tulong sa pagbabahagi mo sa iba

Lalo na kung ang iyong pagtulong ay bukas sa loob at may saya

Walang maliit na bagay at halaga ang nababalewala

Kung pinagsasama-sama lahat ng tulong na binigay sa ating kapwa

Ang ating bayan ay umaasenso ng mabilis sa tulin na 'di inaasahan

Sana sa tulin mo ay sabay ang kababayan nating naiiwan

Huwag mo hangarin na ikaw lang ang masayang nauuna

Nauuna sa kareang walang gabay na ilaw at walang linya

Bayan ko, oh Bayan ko

Tumutulin na iyong pagtakbo

Bumibilis na iyong pag-angat

Ngunit bakit ang liwanag ay hindi sumisikat?

...

First posted on Youtube - Neil Gregori Garen