IS(I)NANGKAL (N)A BUH(A)Y

INA salamat sa'yong pag-aruga,

Sa walang pagod mong pag-aalaga,

Mula sa 'yong sinapupunan,

Hanggang sa kasalukuyan,

INA hindi mo ako pinabayaan.

Kasangga sa lahat ng bagay,

Sa kapahamakan handa kang humarang—

ibigay ang buhay,

INA sa huling yakap mong ipinadama,

Sa init ng 'yong hininga.

Dama ko ang takot at pagmamahal,

Bilang pag protekta sa mahal na anak sa kamatayan ika'y nagpasakmal,

Patawad INA sa balang dapat sa akin ika'y sumangga,

Salamat— patawad mahal kong INA; sabay na tayong magpahinga.