Ibig Na Lumaya
Naupós na ang pasensya ng bawat Pilipino
noong panahong pinagmamalupitan pa ng mananakop
Hindi kailanman naging madali ang pag-iisip kung paano
makakawala sa hawla na may angkop
Nang dumating ang oras na pinakahihintay
ang pagputol sa nakakapasong tanikala ay nagtagumpay
Ang mga nagsakripisyo ay mahimbing na nakahimlay
habang bagong bukas ang nabigyan ng kulay
Nawa'y magsilbing aral at pag-asa
ang 'di maibabaon sa limot na kasaysayan
na binuo ng mga kapwang nagkaisa
noong panahong naghahangad ng kalayaan
Para sa mga taong piniit at 'di nakawala
sa mga hawla ng mapang-abusong nilalang
gawing humilig sa mga ala-ala
upang sumulong ang sariling katapangan
Sarili'y 'di dapat piitin — markahan
'di rin dapat abusuhin at pagsamantalahan
ng simumang magtatangkang kumapit sa kasamaan
na magpapawala sa kapayapaan at kalayaan.
Comentarios