Hukay
"Papa, ayos ka lang po ba? Bakit parang nababalisa ka?" inosenteng tanong ng walong taong gulang na si Rhea.
"Oo, anak, huwag mo 'ko alalahanin, ayos lang si papa." sagot ng ama at binigyan ang anak ng pilit na ngiti. Napapasabunot din ito sa buhok at makikita ang pagpupursige sa mga mata.
"Papa, nakatatakot na po rito sa sementeryo. Madilim na po oh." tugon muli ni Rhea dahilan upang sagutin ulit siya.
"Mas nakakatakot ang mga pulis, anak, dahil nanghuhuli sila." sambit ng ama habang naghuhukay.
Maya-maya pa'y...
"Ayan! Malalim-lalim na rin pala itong nahukay ko! HE-HE-HA-HA-HA!" parang nababaliw na tawa niya't tila ba may tagumpay siyang nakamit.
May sakit sa pag-iisip si Rhea kung kaya't tila sumasang-ayon lang siya sa ginagawa ng ama.
"Anak, ililibing ko na ang bangkay mo." huling tugon niya sa kaluluwang si Rhea matapos niya itong gahasain.
...
Young Pilipinas Flash Fictions
💛💛💛