Hindi pala masaya sa probinsiya

Palagi mong sinasabi sa sarili mo na kahit kailan, hindi mo ipagpapalit ang buhay sa probinsiya. Ang sariwang hangi't payak na pamumuhay.

Subalit habang tumatanda ka, naiisip mo na hindi lamang pala sa ganito umiikot ang buhay ng tao.

Isang araw humarap ka sa isang suliranin, hindi mo alam kung paano mo lulutasin. Bigla na lang dinapuan ng malubhang karamdaman ang iyong ama. Kaagad mong napagdesisyunan na dalhin siya sa pampublikong hospital. Kampante ka namang magagamot agad ang iyong ama. 

“Sir, pasensiya na. Hindi po namin magagamot ang inyong ama, kailangan ninyo muna pong magpaunang bayad sa hospital.”