Halaga ng Buhay

Dugo't pawis ay hindi na sapat bilang puhunan,

Kayod kalabaw na trabaho'y wala nang patutunguhan,

Para sa kakarampot na bigas ikinalakal ang dangal,

Ginintuang puso ay naglaho—sa sala'y nagpasakmal.

Apoy ng kabutihan ang piniling manaig,

Ngunit huli na sapagkat berdugo ay nakatitig,

Among buwitre na sabik sa dahas at galit ay lumapit,

Gatilyo ay kinalabit pagbabagong buhay hindi na pinasapit.