Colin Cris Celestial
'Di Pa Sisikat
Ang malayang tula ay tila pangarap ng isang tao,
Ito ay maaaring tumigil sa iilang saknong,
Subalit ito rin ay maaaring magpatuloy,
Depende kung gugustuhing dagdagan ang daloy.
Nagsimula ako sa pagsusulat ng mga tula,
Gamit ang mga pangkaraniwang salita,
Na hindi malalim ang mga kahulugan,
Subalit malinaw ang mensahe ng nilalaman.
Pangarap ko ang maging makata,
Na ang mga katha ko ay sana makita,
Ng lahat ng tao sa Pilipinas,
Para sa puso't isipan nila ay bumakas.
Gamit ang pinakamamahal na wikang Filipino,
Malalaman agad kung ako'y sino,
Na ako'y isang manunulat,
Na lumilikha ng mga akdang sa tao'y nagpapamulat.
May tugmaan man o isang malaya,
Aking ibabalandra ang ipinagmamalaki kong akda,
Ngayon ay hindi pa ako sisikat,
Sapagkat maraming pahina pa akong kailangang ibuklat.
...
Young Pilipinas Poetry
Comments