Dangal ng Bayan
Ang mundo'y matuturing na lumalawak
gay'on rin ang bagong kadiliman
dito'y siyang 'di nagbabago ang proseso sa pagtahak sa kung saang direksyon
na nararapat lamang ay sa matuwid na daan.
Tunay ngang nangangailangan tayo ng gabay
mula sa mas nakaka-alam at may kakayahan
upang ang walang dalít na bombilya ay masindihan
ng nag-uumapaw na pagpapaliwanag sa mga katanungan
na magpapasimula ng pagsibol ng makabagong resolusyon
Mga guro, ikalawang magulang sa paaralan
nakakaantig ang inyong pagsasakripisyong ini-aalay
kayo ang modelong nararapat bigyang karangalan
pagkat 'di matutumbasan ang inyong kontribusyon
sa anumang oras at panahon na inyong iginugol.
Mapatradisyunal o modernong panahon
talagang mas pinili niyong harapin ang mga hamon
tulad ng bagong usbong na metodo at prinsipyo sa pagtuturo
na kahanga-hangang matagumpay na nai-aahon
ang mga kabataan at alin mang henerasyon.
...
Dangal ng Bayan by Colin Cris Celestial
Comentários