Bonakid
"Mama, gusto ko po ng Bonakid! Bilhan mo po ako, please." Pagmamakaawa ng isang bulilit sa kaniyang ina, napaka-kyut niya at halatang-halata sa tinig na siya'y munting bata.
"Oo, sige anak, malakas ka sa akin, e! Basta pramis mo magpapakabait ka, ha?" Malumanay na tugon ng ina sa kaniyang anak na ikinatuwa naman nito.
"Yehey! Yehey! Yehey!" paulit-ulit na sambit dala ng kasiyahan habang tumatalon.
"'pag 3 pataas, magbonakid pre-school, 3 plus! Batang may laban!" namumutawi ang awitin sa telebisyon habang nakatayo ko itong pinanonood.
"Sana... nakapagbonakid din ako, edi sana kahit bata pa lang ako noong namatay si ina't ama, nalabanan ko ang takot, ang lungkot at hindi nagpasagasa sa sasakyan." Bulong ko habang pinagmamasdan ang nakalutang kong kaluluwa.
...
Young Pilipinas Flash Fiction
💛💛💛