Bangon Kapatid
Sa panahon ng pandemya,
Sa panahon ng pagsubok at trahedya,
Sa panahon natin ngayon—panahon din ng bagyo't sakuna,
Pilipino lumaban ka.
'Wag mong hayaang manatili kang nakalugmok,
Sa putik at takot—kaibigan wag ka nang mag mukmok,
Tumayo ka para sa iba,
Tumayo ka hindi lang para sa sarili; para rin sa pamilya.
Kapwa Pilipino magtulungan tayo,
Magkapit bisig hilumin natin ang mundo,
Unos sa buhay ay dumarating,
Ulap ma'y magdilim muling magliliwanag din.
Katulad ng pag sikat ng araw,
Bumangon ka kapatid, sindihan mo ang ilaw
Iabot ang 'yong mga kamay,
Tanganan—sama-sama tayong umalalay.
תגובות