Bagong Ikaw

Inilibot ko ang aking paningin sa'yo na mala-labanos sa kaputian. Nanuot sa 'king pang-amoy ang 'yong napakabangong aroma. Gustong-gusto ko na ika'y aking hinahawakan dahil ibang saya ang naidudulot mo sa aking sistema.

Pero sa una lang pala, kung kelan inakala kong masaya kang kapiling. Gayunpama'y pinilit kong ilaban ang pagkagusto sa'yo, nagpursigi akong makamit ang kahalagahan mo pero unti-unti mo akong nasisira kaya umusbong sa 'king kalooban ang silakbó.

Sa wakas, ipinaubaya kita sa aking magulang para ilayo kana sa akin. Subalit bumalik sila kasama ang bagong ikaw.

"Anak, ipapasa daw 'tong bagong module sa isang Lunes."

— Colin Cris Celestial

Colin Cris Celestial is an 18-year old writer from Talipan, Pagbilao, Quezon Province.