Ang Pilit Inaayawan
Sa pagsapit ng panibagong Buwan,
samu't saring talak ang umaalingawngaw
Animo'y parang may piilit pinag-aagawan,
subalit ibig pala ang kabaliktaran
Buwan ng Hunyo na ang sumapit
Inaasahan na ang maulang panahon
ngunit para sa iba ito ay isang hagupit
Na tila pumipigil sa kanilang pagbangon
Para bang nakapipinsala kung ilarawan,
ang bawat patak na masagana
wari'y walang kaginhawahan
na para bang inalisan ng pag-asa
Subalit ang ganitong panahon ay 'di kamalasan
para sa mga magsasakang matagal nang naghihintay
ng masagang daloy ng katubigan
para sa mga pananim na lubos na nanamlay
Ang pinagkukunang lakas ng katawan
nagmumula sa pinaghirapan ng mga magsasaka
hindi lang araw ang sangkap ng pagpapayabong
kundi pati rin ang tubig-ulan sa pagsulong
Comments