Ang Mga Simpleng Pangarap
Hindi ko hinahangad ang mataas na alapaap
Nais ko lang matupad ang mga simple kong pangarap
Pangarap at mga plano para sa aking pamilya
Tutuparin upang makita ang mga ngiti sa kanilang mata
Sa pag-abot ng aking mga plano sa buhay
May mga pagkakataon na ako ay naging matamlay
Ramdam ang maraming 'di mapaliwanag na takot
Na parang wala ni isang pangarap na maaabot
Maraming bumitaw sa mga taong inaasahan ko
Sa bawat hakbang may paisa-isang sumusuko
Mayroon naman na nag-iiba na ng tinatahas
Upang sundan din ang kanilang sariling landas
Maraming tao ang darating at lalayo
Marami ring pagkakataon na hindi para sayo
Mga ito ay natutunan ko sa aking pagtahak
Masakit tanggapin, hayaan ang luhang pumatak
Simpleng pangarap ay nagiging mahirap at kumplikado
Buo man ang loob tuparin, ngunit ang isip ang gumugulo
Kaya dasal ko na sana ay nasa tama ang aking mithiin
Bawat hakbang sa daan ay bahagi ng aking dalangin
Comentários