Ang Aking si Tagpi

Kapagka mag-isa at walang kasama,

sa lungkot ng buhay kawalang pag-asa,

ni hindi marinig pagtangis at dusa,

sandalang balikat ay hindi madama.

Ang aking alaga ang siyang kakampi,

bulungan ng hapdi, ng luha't pighati,

sa simpleng paghalik lahat ay napawi,

at kal'bit ng kamay ng aking si tagpi.

Aso kong tahimik sa aki'y magiliw,

sa kampay ng buntot at takbong matulin,

salubong sa daan, dadamba't aapir,

pag-ibig na wagas ang sukli sa akin.

Katulad ng tao mayroong emosyon,

matapat sa amo sa gintong relasyon,

hindi man naimik dama mo'ng intensyon,

mahalin ka't ingat sa habang panahon.